SAMAJH NAHI AATA

khushi mnaun ya gham smajh nahi ata ......
jis angan mein khelte khelte badi huyi....                               
aj usi ki chaukhat mein hamesha ke liye jaane ko khadi hui...
kis asmanjas mein hun kyun mera dil hai ghabrata....
khushi mnaun ya gham samajh nahi aata...

pita ne ungli tham kar chalna sikhaya.....
jab girun to kaise hai sambhalna sikhaya....
maa ne saheli bankar sanskaar hain sikhaye...
ache bure mein kya fark hain  batlaye...
us pita ke pyaar aur maa ke anchal ko chodne ko jee nahi chahta...
khushi mnaun ya gham samajh nahi aata...

wo  guda gudi ke khel wo saawan ke jhule....
wo nani ki kahaniyan...dulhan banne ke sapne bhulaye na bhule....
bhai se ladai...wo baat baat pe ruth jana...
kabhi mithai se to kabhi baaton se uska manana...
jis livaaz mein nigah ke sapne liye the ab to wo bhi nahi hai lubhata...
khushi mnaun ya gham samajh nahi aata...

khushi bhi hai ki mere wo sapnon ka rajkumar aaj aayega....
doli mein bithakar mujhe mere sapnon ke mehal mein le jaayega.....
fir bhi na jaane kyun ye bechaini si hai dil mein uth rahi...
khushi mein bhi na jaane kyun ye aankhen nami se hain jhuk rahi...
dorahe pe khadi hu...aage badha nahi jaata....
khushi mnaun ya gham samajh nahi aata...

naye rishte naye naaton se ab judna hai....
ab to purane rishton ki ore kam hi mujhe mudna hai.....
ladki hun ye dharam mujhe nibhana hai....
purane wo kisse aur naate sab mujhe bhulana hai.....
kabhi kabhi ye dard mujhse saha nahi jaata....
khushi mnaun ya gham samajh nahi aata...

ae duniya waalon ye kaisi reet hai chali aa rahi....
jis angna mein maine sapne sanjoye....use hi chod kar aaj main jaa rahi...
meri khushi ke peeche ke dard ko koi nahi samjh paa rha....
har koi badhai dekar apne pyaar ko jta rha....
jis pyaar se mujhe ghar chod ke jaana hai aisa pyaar liya nahi jaata...
khushi mnaun ya gham samajh nahi aata...

naa jaane kyun log ladki ke hone ka dukh manate hain....
us devi ke roop ko na jaane kyun wo satate hain....
do do gharon ko wo apne pyaar se hai mandir bnati...
pehle beti fir bahu hone ka dharam nibhati....
kaash koi kisi ladki ke tyag ko samajh paata...
khushi mnaun ya.......
                                                                                                                                Atul Guleria.....